ḳhud-pasandana taqazon par agar ja.egi
ziist apni hi nigahon se utar ja.egi
ham ne maana yahin khinch aa.egi manzil lekin
ai junun izzat-e-arbab-e-safar ja.egi
aap taklif-e-tavajjoh na karen bahr-e-ḳhuda
zindagi jaise bhi guzregi guzar ja.egi
log kya samjhenge pahna.i-e-daman-e-junun
jab bhi ja.egi gareban pe nazar ja.egi
ham to bad-nam-e-vafa honge to honge lekin
aabru teri bhi ai dida-e-tar ja.egi
Leave a Reply