Hum Ko Masti O KHwari Aai

Sahir Hoshiyarpuri

ham ko masti o ḳhvari aa.i

tum ko duniya-dari aa.i

dil-jui dildari aa.i

tum ko bhi ye ayyari aa.i

phuul ko ham ne jab bhi chhua hai

haath men ik chingari aa.i

saaqi gum ḳhali mai-ḳhana

kaisi ye bad-e-bahari aa.i

husn vahi hai husn ki jis ko

sadgi o purkari aa.i

mushkil jab asan hui to

ulfat men dushvari aa.i

maqtal men ik shor bapa hai

aa.i meri baai aa.i

husn ki har ma.asum nazar se

dil par zarb-e-kari aa.i

sub.h se dil masrur hai ‘sahir’

raat ye ham par bhari aa.i