ajmal-siddiqi

Na Nazar Se Koi Guzar Saka Na Hi dil Se Malba Hata Saka

na nazar se koi guzar saka na hi dil se malba haTa saka

na vo dar bacha na vo ghar bacha tere ba.ad koi na aa saka

na vo his kisi men na taab hai mira gham to ḳhair uThae kaun

vo jo misra gham ka tha tarjuman koi us ko bhi na uTha saka

kabhi ḳhauf tha tire hijr ka kabhi aarzu ke zaval ka

raha hijr-o-vasl ke darmiyan tujhe kho saka na main pa saka

mire dil men tuḳhm-e-yaqin rakh de lachak tu shaḳh-e-mizaj ko

vo chaman khila mire baghban jo chaman koi na khila saka

mire saath su-e-junun chal mire zaḳhm kha mira raqs kar

mire sher paḌh ke milega kya pata paḌh ke ghar koi pa saka?

jo likho ibarat-e-ishq tum to ana ka koi na pech ho

jo lab-e-davat pe jhuk gaya vo qalam hi naqsh bana saka

More Poems

Leave a Comment