umr ga.i ulfat-e-zar ji se ilahi na ga.i
mu safed ho ga.e par dil ki siyasi na ga.i
ji men Thana tha ki ham hijr men jiine ke nahin
mar ga.e aah ye baat ham se nibahi na ga.i
umr ga.i hijr men dil karta hai mazkur-e-visal
baat ab tak yahi divane ki vaahi na ga.i
ji gavara nahin karta ki karun minnat-e-ḳhalq
ho ga.e garche gada dil se vo shahi na ga.i
duḳhtar-e-raz se faqat men nahin mahfuz ‘huzur’
kaun majlis hai ki jis men ye sarahi na ga.i
Leave a Reply