Jafar Sahni
kabhi nazuk kabhi behad kaḌa hai
vo ‘tughlaq’ samne ban kar khaḌa hai
ḳharashen paḌ ga.i hain asman par
zamin se aaj shayad vo laḌa hai
vo ab be-kar shai hai apne ghar ki
kabhi andar kabhi bahar paḌa hai
zamana saath tha badal men us ke
chamakti dhuup men tanha khaḌa hai
ḳhizan ka rang hai kaisa suhana
na patta peḌ se koi jhaḌa hai
bahut ilzam ki barish hui thi
na Thahri buund vo chikna ghaḌa hai
muqaddar ḳhvab saa.e ka hai chamka
mire qad se bhi ‘ja.afar’ vo baḌa hai
Leave a Reply