Zamzama Iztirab Kuchh Bhi Na Tha

zamzama iztirāb kuchh bhī na thā

ishq-e-ḳhāna-ḳharāb kuchh bhī na thā

merā sab kuchh thā sirf ek savāl

aur is kā javāb kuchh bhī na thā

saañs tak to gine-chune hue the

kuchh na thā be-hisāb kuchh bhī na thā

sajda-e-shukr ne bachāyā hai

varna merā savāb kuchh bhī na thā

ab tujhe dekh kar ye jaanā hai

vo jo dekhā thā ḳhvāb kuchh bhī na thā

Leave a Comment