zamir-e-nau-e-insani ke din hain
sadaqat ki jahanbani ke din hain
tilism-e-sub.h-kazib khud hi tuuta
tulua-e-sub.h-e-nurani ke din hain
jumud-e-fikr toda phir bashar ne
uruj-e-zehn-e-insani ke din hain
hukumat-e-vaqf-e-istibdad kyuun ho
usi nukte ki arzani ke din hain
hue be-dast-o-pa zalim purane
sitam ki khana-virani ke din hain
khuli har-fard-o-har-millat ki qismat
ki azadi ki sultani ke din hain
‘sahar’ vajib hai taazim-e-taghayyur
ye maana ham ne hairani ke din hain
Leave a Reply