Mera Jina Gawahi De Raha Hai

mira jiina gavahi de raha hai

abhi mujh ko bahut kuchh dekhna hai

mujhe hairat hai apne dil pe kitni

ye mera saath ab tak de raha hai

koi roke ravani ansuon ki

ye dariya bahte bahte thak gaya hai

main padh sakti huun un-likkhe ko ab bhi

ye kashf-e-zat hai ya ik saza hai

ye kaisi sazishon men ghar gai huun

mujhe mujh se chhupaya ja raha hai

ghane jangal men tanha chhod kar vo

kahin se chhup ke mujh ko dekhta hai

khuda-hafiz mire ai ham-nashino

ki mujh ko to bulava aa gaya hai

kashish kuchh is qadar hai mujh men ‘shabnam’

samundar meri janib badh raha hai

Leave a Comment