Abul Hasanat Haqqi
zamir-e-khak shah-e-do-sara men raushan hai
mira khuda mire harf-e-dua men raushan hai
vo andhiyan thiin ki main kab ka bujh gaya hota
charagh-e-zat bhi hamd-o-sana men raushan hai
main apni maan ke vasile se zinda-tar thahrun
ki vo lahu mire sabr-o-raza men raushan hai
main badh raha huun udhar ya vo aa raha hai idhar
vahi khushi vahi khushbu hava men raushan hai
kahin bhi jaun sitara sa saath rahta hai
vo shab-charagh jo us ki hava men raushan hai
Leave a Reply