Zafar Iqbal Zafar
chamka jo tirgi men ujala bikhar gaya
nanha sa ek jugnu baḌa kaam kar gaya
vo niind ke safar men to maḳhmur tha bahut
ankhen khulin to ḳhvab ke manzar se Dar gaya
aansu the is qadar miri chashm-e-malal men
har gosha gosha shahr ka ashkon se bhar gaya
phaili hui hai chandni ehsas men mire
ye kaun meri zaat ke andar utar gaya
har shaḳhs hi kamanden ‘zafar’ phenkne laga
ik pal ke vaste jo ḳhala men Thahar gaya
Leave a Reply