Saleem Fauz
kabhi achchha bura socha nahin hai
mohabbat aql ka sauda nahin hai
main patthar huun magar sach bolta huun
vo a.ina hai aur sachcha nahin hai
sirat-e-ishq par muḌ kar na dekho
palaTne ka koi rasta nahin hai
abhi TuuTa nahin hai ḳhvab mera
abhi vo niind se jaaga nahin hai
abhi ankhon men bina.i hai baaqi
abhi main ne tumhen dekha nahin hai
ye kaisa vasl ka lamha hai jis men
kahin bhi hijr ka dhaḌka nahin hai
kahin maujud hai vo ab bhi mujh men
vo bichhḌa hai magar khoya nahin hai
Leave a Reply