shahnaz-nabi

insaf

main ne kuchh bolne ki koshish ki to

mujhe ik katahra faraham kar diya gaya

main gavah huun

lekin chashm-did nahin

muqaddas kitab par haath rakh kar qasam khaao

jo bhi kahungi sach kahungi

sach ke siva kuchh bhi nahin

main ne qasam khaai

aur gavahi di

meri halakat chashm-did na thi

so qatil aaj bhi ghumta hai azadana

magar main qaid huun

jhuti gavahi ke ilzam men

ab bhi

More Poems

Leave a Comment