Zamin Se Aasman Tak Ka Safar Hai

zamīñ se āsmāñ tak kā safar hai

yaqīñ jaisā gumāñ tak kā safar hai

hameñ to raat din chalnā hai lekin

ḳhudā jaane kahāñ tak kā safar hai

mire us ke ta.alluq kī kahānī

junūñ ke darmiyāñ tak kā safar hai

tire inkār kā saarā ḳhulāsa

tirī halkī sī haañ tak kā safar hai

kitāb-e-ishq kī har dāstāñ meñ

har ik qissa ziyāñ tak kā safar hai

Leave a Comment