Har Taraf Majma-E-Ashiqan Hai

har taraf majma-e-ashiqan hai

tere dam ka ye saara saman hai

itna maghrur kyuun baghban hai

ye chaman chaar din men khizan hai

ishq men be-khabar ho gaya huun

kis se puchhun mira dil kahan hai

kuchh nahin sujhti sair-e-gulshan

meri ankhon se vo gul nihan hai

dhyan athon-pahar hai usi ka

main yahan huun mira dil vahan hai

siine par rakh ke sota huun us ko

us ki tasvir aram-e-jan hai

aansu bahne lage dekhte hi

zulf-e-mahbub hai ya dhuan hai

jaan parvana hai us pari par

sham-e-sozan har ik ustukhvan hai

be-muravvat hai vo bevafa hai

saari mehnat miri raegan hai

kya tadapte guzarte hi apne

dard-e-dil men hai lab par fughan hai

hijr men kyuun nahin maut aati

haae kya dagh-e-dil maraz-e-jan hai

DhunDhta huun main yusuf ko apne

khaak mere pas-e-karvan hai

jam-e-mul haath men vo baghal men

‘bahr’ apni ye qismat kahan hai

Leave a Comment