Shamim Ravish
zamin ko khinch ke main su-e-asman le ja.un
ye dil ka dard hai is dard ko kahan le ja.un
ye dil ajiib si ik kashmakash se hai do-char
natija ek sa hoga ise jahan le ja.un
yahan to gul bhi samate nahin in ankhon men
bata kahan main ye chehra dhuan dhuan le ja.un
likha to hai miri be-ḳhvab si in ankhon men
main apne-ap ko duniya se ra.egan le ja.un
yahan tak aa ke palaTna bhi mere bas men nahin
main kis Thikane ‘ravish’ ab ye jism o jaan le ja.un
Leave a Reply