labon se ashna.i de raha hai
vo lazzat intiha.i de raha hai
mohabbat bhi hui kar-e-mashaqqat
badan thak kar duha.i de raha hai
churata hai badan mujh se nigahen
mujhe dil bhi safa.i de raha hai
koi bhar dega apni qurbaton se
koi zaḳhm-e-juda.i de raha hai
koi to hai jo itni sardiyon men
badan jaisi raza.i de raha hai
koi mujh ko ‘yashab’ apni raza se
ḳhazanon tak rasa.i de raha hai
Leave a Reply