Zamin Ko Aasman Likkha Gaya Hai

zamīñ ko āsmāñ likkhā gayā hai

yaqīnoñ ko gumāñ likkhā gayā hai

jo kahnā thā kabhī muñh se na niklā

jo likhnā thā kahāñ likkhā gayā hai

udāsī kā qasīda is baras bhī

sar-e-dīvār-e-jāñ likkhā gayā hai

charāġhoñ ko havāoñ kā payambar

ḳhamoshī ko zabāñ likkhā gayā hai

mire lafzoñ se itnī barhamī kyuuñ

bahut kuchh rā.egāñ likkhā gayā hai

Leave a Comment