Zamin Darham-O-Barham Dikhai Dene Lagi

zamīn darham-o-barham dikhā.ī dene lagī

ummīd-e-vasl jo mub.ham dikhā.ī dene lagī

hai qahqahoñ ke pas-e-pusht girya-e-paiham

mirī ḳhushī bhī mujhe ġham dikhā.ī dene lagī

makān-e-ishq kā me.amār jab se ruuTh gayā

fasīl-e-zīst mujhe ḳham dikhā.ī dene lagī

udaas guzre haiñ mere ka.ī pahar paiham

jo ek pal ko tirī aañkh nam dikhā.ī dene lagī

ye kis kī pyaas ke sho.ale gire haiñ paanī par

ki nahar qatra se bhī kam dikhā.ī dene lagī

Leave a Comment