zamin darham-o-barham dikha.i dene lagi
ummid-e-vasl jo mub.ham dikha.i dene lagi
hai qahqahon ke pas-e-pusht girya-e-paiham
miri ḳhushi bhi mujhe gham dikha.i dene lagi
makan-e-ishq ka me.amar jab se ruuTh gaya
fasil-e-zist mujhe ḳham dikha.i dene lagi
udaas guzre hain mere ka.i pahar paiham
jo ek pal ko tiri aankh nam dikha.i dene lagi
ye kis ki pyaas ke sho.ale gire hain paani par
ki nahar qatra se bhi kam dikha.i dene lagi
Leave a Reply