Yashab Tamanna
tark ulfat men bhi us ne ye rivayat rakkhi
roz milne ki purani vahi aadat rakkhi
tu gaya hai to palaT kar nahin puchha main ne
varna barson tiri yadon ki amanat rakkhi
kal achanak koi tasvir bani kaghaz par
muddaton sab se chhupa kar teri surat rakkhi
vo muqaddar men nahin hai to usi ke dil men
kis ne har shai se ziyada chahat rakkhi
ḳhud hi milta hai bichhaḌta hai ‘yashab’ apne liye
ane-jane ki ajab us ne suhulat rakkhi
Leave a Reply