Rizvan Anjum
rahbar inkishaf karta hai
ishq hasti ko saaf karta hai
ishq se jis ki ashna.i ho
husn us ka tavaf karta hai
jo sikhata tha aa.ini qadren
ab vahi inhiraf karta hai
shaan us ki buland hoti hai
jo kisi ko muaaf karta hai
vasl ke ḳhvab dekhne vaala
hijr ko hi lihaf karta hai
gard sochon pe jo paḌi us ko
sirf a.ina saaf karta hai
jis ne sun li azan-e-ishq ‘anjum’
dasht men etakaf karta hai
Leave a Reply