Yun dabe Panw Yaad Aati Hai

yuun dabe paanv yaad aati hai

le ke dil ka qarar jaati hai

main ne pardes ja ke dekh liya

teri ḳhushbu vahan bhi aati hai

ab to mujh ko miri chhaTi his bhi

tera ehsas hi karati hai

mere hamdard ko bhi le duubo

mauj-e-gham ab kise darati hai

jis qadar ho sake kama neki

ye bure vaqt kaam aati hai

chahe kitni dabang ho ‘badal’

naav kaghaz ki duub jaati hai

Leave a Comment