Poet
barsat ka maza tire gesu dikha gae
aks asman par jo pada abr chha gae
aae kabhi to saikdon baten suna gae
qurban aise aane ke kya aae kya gae
sun paai meri abla-pai ki jab khabar
charon taraf vo raah men kante bichha gae
ham vo nahin sunen jo burai huzur ki
ye aap the jo ghair ki baton men aa gae
main ne jo takhliya men kaha hal-e-dil kabhi
munh se na kuchh javab diya muskura gae
Leave a Reply