Poet
kuchh is tarah dil se ishq us ka nikalna hai
baghair gullak ko toḌe sikka nikalna hai
main janta huun mohabbaton ka maqam-e-aḳhir
so us ke kamre se mujh ko pankha nikalna hai
nikal phenki ghaḌi kala.i se us ki di hui
ab apne ḳhatir ik-adh ghanTa nikalna hai
zamin khoden jinhen banani hain qabr-gahen
zamin joten jinhen ḳhazana nikalna hai
nikal laaya jo mujh ko lahron ki sazishon se
mujhe samundar se ab vo tinka nikalna hai
Leave a Reply