Poet
us ne jaate hue kaha badla
ḳhud se lunga main ab tira badla
saḳht sardi men chaa.e order ki
ham ne mausam se le liya badla
is dupaTTe ko chhu ke va.ada kar
jo bhi badla vo pa.ega badla
main tire naam kar to duun lekin
dil blochan ka chahega badla
ek sha.ir se bad-tamizi ka
ham ne sheron men le liya badla
ye miri tarbiyat nahin varna
main batati tumhen hai kya badla
main to chup huun magar mire dushman
tum se lega mira ḳhuda badla
teri dastar bhi hai daman bhi
main ne phir bhi nahin liya badla
main tiri bebasi se vaqif huun
mujh pe jaa.ez nahin raha badla
ishq aur hijr ki musibat se
main ne lena tha aur liya badla
haan ye sach hai badal ga.i ‘iman’
kyunki tum se tha ab rava badla
Leave a Reply