ana munh an.suon se dho rahi hai
zarurat sar-ba-sajda ho rahi hai
miri dushman miri be-bak-goi
miri rahon men kante bo rahi hai
riya-kari liye jaati hai sabqat
haqiqat sar jhukae ro rahi hai
musalsal ik aziyyat zindagani
ghamon ke bojh sar par dho rahi hai
zamana maslahat-parvar hua hai
zarurat admiyyat kho rahi hai
kisi ki shakhsiyat majruh kar di
zamane bhar men shohrat ho rahi hai
Leave a Reply