Salim Saleem
zaman makan se bhi kuchh mavara banane men
main munhamik huun bahut ḳhud ko la banane men
charagh-e-ishq badan se laga tha kuchh aisa
main bujh ke rah gaya us ko hava banane men
ye dil ki sohbat-e-ḳhuban men tha ḳharab bahut
so umr lag ga.i is ko zara banane men
ghiri hai pyaas hamari hujum-e-ab men aur
laga hai dasht koi rasta banane men
mahak uThi hai mire char-su zamin-e-hunar
main kitna ḳhush huun tujhe ja-ba-ja banane men
Leave a Reply