Aleena Itrat
bhigo ga.i gul-e-ehsas aaj shabnam phir
badan ke gird lipaTne laga hai resham phir
ye kis ḳhayal ke kundan se saj gaya tan-man
bhare hain kasa-e-hasti men kis ne nilam phir
bahar bunden ghaTa ḳhush-gavar purva.i
mire singar ke kya aa ga.e hain mausam phir
bata rahi hain ye sargoshiyan samundar kei
ki ḳhushk ret se dariya ka hoga sangam phir
ka.i charagh jo ye jal uThe hain ankhon men
suno juda.i unhen kar na paa.e maddham phir
tiri juda.i ke sadme se yuun hue mohtat
na is ke ba.ad hui phir ye aankh pur-nam phir
‘alina’ ik dafa ik aag men tapa tha badan
tamam umr hui vo na aanch kam kam phir
Leave a Reply