Rahbar Jaunpuri
anjam-e-intiha-e-safar dekhte chalen
ab gaanv aa ga.e hain to ghar dekhte chalen
guzre nahin hain ham bhi kabhi is dayar se
kaisa hai ḳhvahishon ka nagar dekhte chalen
phir ehtimam-e-ma.arka-e-marg-o-zist hai
teghon se khelte hue sar dekhte chalen
sahil pe sahme sahme zamana guzar gaya
dariya ka aaj zer-o-zabar dekhte chalen
jin qatilon ka shahr men charcha hai in dinon
ji chahta hai un ka hunar dekhte chalen
fursat kahan hai utni ki tafsil se paḌhen
aḳhbari surḳhiyon men ḳhabar dekhte chalen
Leave a Reply