zaKHmon Ko Marham Kahta Hun Qatil Ko Masiha Kahta Hun

Qaisarul Jafri

zaḳhmon ko marham kahta huun qatil ko masiha kahta huun

jo dil par guzra karti hai main parda parda kahta huun

zulfon ko ghaTa.en kahta huun ruḳhsar ko sho.ala kahta huun

tum jitne achchhe lagte ho main us se achchha kahta huun

ab riit yahi hai duniya ki tum bhi na bano begana kahin

ilzam nahin dharta tum par ik ji ka dhḌakna kahta huun

arbab-e-chaman jo kahte hain vo naam mujhe ma.alum nahin

jis shaḳh pe koi phuul na ho main us ko tamanna kahta huun

‘qaisar’ vo nava la-hasil hai jo aa ke labon par lahra.e

chhu le jo dilon ki gahra.i main us ko naghma kahta huun