tufan men bhanvar men na dharon ki god men
Duubi hai meri naav kinaron ki god men
kya jaane aaj kyuun hain sitare dhuan dhuan
ye kaisi tirgi hai sitaron ki god men
bad-nam gulsitan men ḳhizan hi to hai magar
kya kya na gul khile hain baharon ki god men
mausam tha ḳhush-gavar to manzar tha ḳhush-gavar
ab vo kashish kahan hai nazaron ki god men
raftar par bhi qaid thi guftar par bhi qaid
guzri bhi zindagi to hisaron ki god men
ai dost dusron ka sahara to maut hai
ḳhud-dar kab pale hain saharon ki god men
mizrab-e-vaqt chheḌe tu ‘kausar’ suna.i de
avaz gum hai saaz ke taron ki god men
Leave a Reply