ashk-e-ravan ki nahr hai aur ham hain dosto
us bevafa ka shahr hai aur ham hain dosto
ye ajnabi si manzilen aur raftagan ki yaad
tanhaiyon ka zahr hai aur ham hain dosto
laai hai ab uda ke gae mausamon ki baas
barkha ki rut ka qahr hai aur ham hain dosto
phirte hain misl-e-mauj-e-hua shahr shahr men
avargi ki lahr hai aur ham hain dosto
sham-e-alam dhali to chali dard ki hava
raton ki pichhla pahr hai aur ham hain dosto
ankhon men ud rahi hai luti mahfilon ki dhuul
ibrat-sara-e-dahr hai aur ham hain dosto
Leave a Reply