Muslim Shameem
zaḳhmon ki faravani qatil ki shikayat bhi
kis darja anokhi hai ye rasm-e-mohabbat bhi
is shahr-e-ḳhamoshan men kya saz-e-ghazal chheḌen
mahfuz yahan kab hai ehsas ki daulat bhi
saaqi ki nigahon ke ma.asum isharon men
jiine ki hain takiden marne ki ijazat bhi
ham kufr-e-mohabbat ke fanus jalate hain
sar ankhon pe apne hai qatil ki ye tohmat bhi
puchhen to ‘shamim’ un se kya zulm ka hasil hai
raas aa na saki jin ko shaddad ki jannat bhi
Leave a Reply