Rah Jae Na Shaiba KHudi Ka

rah jaa.e na shā.iba ḳhudī kā

maqsūd yahī hai bandagī kā

ik nāla-e-be-sadā thā jis ne

paiġhām diyā hameñ ḳhushī kā

hairānī-e-chashm-e-dil baḌhā dī

allāh re sitam ye āgahī kā

rusvā thī chaman meñ nik.hat-e-gul

anjām ye thā shaguftagī kā

ai sāhib-e-hosh rafta rafta

aa.egā shu.ūr sarḳhushī kā

kyā shai hai ye mai-kada ki jis meñ

aalam hai tamām tishnagī kā

ai nāla-e-andalīb bas kar

dil TuuT gayā kalī kalī kā

Leave a Comment