Ahmad Ameer Pasha
zakhm ko maat kyuun nahin karte
dard khairat kyuun nahin karte
raste saaen saaen karte hain
raste baat kyuun nahin karte
pyaar karte ho pagalon ki tarah
hasab-e-auqat kyuun nahin karte
ulti sidhi vazahaten kya hain
soch kar baat kyuun nahin karte
ab mulaqat karna asan hai
ab mulaqat kyuun nahin karte
main tumhen jitne ki dhun men huun
tum mujhe maat kyuun nahin karte
Leave a Reply