Ain Tabish
hayat-e-soḳhta-saman ik isti.ara-e-sham
chamak chamak ke bujha hai koi sitara-e-sham
kisi ko faeda-e-sham-e-ḳhush-ḳhisal mila
kisi ke hisse men likkha gaya ḳhasara-e-sham
bujha rahe hain charag-e-shaguftagi-e-bahar
samajh chuke hain bahut ham bhi ye ishara-e-sham
isi qadar hai hayat-o-ajal ke biich ka farq
ye ek dhuup ka dariya vo ik kinara-e-sham
junun ki bazm saji hai isi ke saae men
ki ham to girne nahin denge ye manara-e-sham
Leave a Reply