zaKHm Khate Hain Ji Jalate Hain

zaḳhm khāte haiñ jī jalāte haiñ

ham kahāñ aise baaz aate haiñ

zindagī roz ghaTtī jaatī hai

mas.ale roz baḌhte jaate haiñ

ab kahāñ bhuut aur balā.eñ rahīñ

aadmī aadmī ko khāte haiñ

ek vo ham se duur rah ke bhī ḳhush

ek ham apnā dil jalāte haiñ

ḳhaak se ḳhaak bhī nahīñ miltī

roz ham ḳhaak chhān aate haiñ

mausam-e-nā-rasā.ī aayā hai

sabr kī fasl ab ugāte haiñ

Leave a Comment