Us Par Nigah Phirti Rahi Aur Dur Dur

us par nigāh phirtī rahī aur duur duur

ḳhvāboñ kā ek baaġh nigāhoñ meñ khil gayā

hairāñ bahut huā mirī āñkhoñ meñ jhāñk kar

aur phir vo in meñ phailte manzar meñ mil gayāa

koī to shai thī jo mire andar badal ga.ī

yā zaḳhm khul gayā koī yā koī sil gayā

ḳhvāboñ se ik ḳhumār meñ malbūs vo badan

ik rañg-e-nashsha thā jo mire ḳhuuñ meñ khil gayā

guzrī thī us ke paas se ik mauj-e-be-niyāz

andar talak daraḳht mire dil kā hil gayā

Leave a Comment