Syed Kashif Raza
us par nigah phirti rahi aur duur duur
ḳhvabon ka ek baagh nigahon men khil gaya
hairan bahut hua miri ankhon men jhank kar
aur phir vo in men phailte manzar men mil gayaa
koi to shai thi jo mire andar badal ga.i
ya zaḳhm khul gaya koi ya koi sil gaya
ḳhvabon se ik ḳhumar men malbus vo badan
ik rang-e-nashsha tha jo mire ḳhuun men khil gaya
guzri thi us ke paas se ik mauj-e-be-niyaz
andar talak daraḳht mire dil ka hil gaya
Leave a Reply