Shumama Ufuq
jalte-bujhte hue makanon se
ḳhauf aata hai asmanon se
asman aur zamin girne lage
ek duuje ko thame shanon se
ye na.e log to haqiqat men
munfarid hain bahut puranon se
zindagi teri shah-rahon par
raunaqen hain miri dukanon se
saanp hote hain astinon men
faiz milta hai astanon se
tiir ulajhte rahe shikari ke
apni TuuTi hui kamanon se
aisa lagta hai jaise ham us ko
jante hain ka.i zamanon se
ik shahanshah ki hasin beTi
ishq karti rahi kisanon se
jurm-e-ulfat se kya riha.i mili
phuul bheje ga.e hain thanon se
Leave a Reply