Khwaja Shauq
ik Tiis ba-mushkil tham tham kar ashkon ki zaban tak pahunchi hai
ma.alum nahin barbadi-e-dil pahunchi to kahan tak pahunchi hai
be-tabi-e-gham baḌhte baḌhte kya zaḳhm-e-nihan tak pahunchi hai
har dard nazar men ubhra hai har saans fughan tak pahunchi hai
kitne to fareb-e-manzil men ehsas-e-talab tak kho baiThe
halanki abhi duniya-e-nazar manzil ke nishan tak pahunchi hai
kya chara-e-dard-e-mahrumi aane ko hazar aa jaa.e hansi
ye choT zara si choT sahi phir bhi dil-o-jan tak pahunchi hai
halat se kuchh haT kar bhi kabhi halat samajhne paḌte hain
lekin ye mata.a-e-dur-rasi kuchh dida-varan tak pahunchi hai
kitne hi ghamon ko duniya ne de di hai zaban afsanon ki
barbadi-e-ahl-e-dil lekin kab sharh-o-bayan tak pahunchi hai
ab tak hai fughan-e-nim-shabi mahrum-e-asar to rahne do
kya kam hai yahi avaz-e-shikast-e-dil to vahan tak pahunchi hai
mumkin hai ki ‘shauq’ ab vo ḳhud bhi taskin-e-tamanna de na saken
parde men hansi ke poshida fariyad yahan tak pahunchi he
Leave a Reply