Junun Ki Sarparasti Chahti Hai

junun ki sarparasti chahti hai

baghavat ab bulandi chahti hai

bhula kar farq sab achchhe bure ka

ye duniya bas taraqqi chahti hai

maren hindu musalman buḌhe bachche

siyasat sirf kursi chahti hai

takabbur na-gavari ka sabab hai

ibadat ajizi bhi chahti hai

faqat va.adon se ye bujhti nahin hai

shikam ki aag roTi chahti hai

ye chingari siyasat ki vatan men

tabahi hi tabahi chahti hai

use ‘mashkur’ hai meri tamanna

magar sab ki vo marzi chahti hai