tujhe kab pukara nahin ja raha
firaq ab sahara nahin ja raha
ajab be-kali hai pas-e-ishq bhi
ye lamha guzara nahin ja raha
tahayyur-zada ik jahan hai magar
tujhi tak ishara nahin ja raha
sar-e-shauq manzil hai vo pesh-o-pas
thakan ko utara nahin ja raha
taghayyur ka idrak hote hue
naya ruup dhara nahin ja raha
nahin duur tak, jiit ka sha.iba
magar ham se haara nahin ja raha
Leave a Reply