nida-fazli

Har Chamakti Qurbat Mein Ek Fasla Dekhun

har chamakti qurbat men ek fasla dekhun

kaun aane vaala hai kis ka rasta dekhun

shaam ka dhundlaka hai ya udaas mamta hai

bhuli-bisri yadon se phutti dua dekhun

masjidon men sajdon ki mishalen huiin raushan

be-charagh galiyon men khelta khuda dekhun

lahr lahr paani men Dubta hua suraj

kaun mujh men dar aaya uth ke aaina dekhun

lahlahate mausam men tera zikr-e-shadabi

shakh shakh par tere naam ko hara dekhun

More Poems

Leave a Comment