kab sar-e-dosh-e-hava ḳhaak faqat meri hai
ab to ye manzil-e-ghamnak faqat meri hai
asmanon se udhar kaun sambhale koi naqsh
ye zamin kahti hai poshak faqat meri hai
baiThta jaata hai a.ina-e-hasti pe ghubar
is ḳharabe men yahi ḳhaak faqat meri hai
Dubte aur ubharte hain sitare shab bhar
aur ye surat tah-e-aflak faqat meri hai
baḳht-e-kuza ka fasana koi aghaz karo
ab jo miTTi hai sar-e-chak faqat meri hai
Leave a Reply