rumuz-e-chashm-e-karam se jo ba-kamal hue
nisab-e-ishq men vo log la-zaval hue
harim-e-naz tiri bazm se nikale hue
safir-e-nur hue a.ina-misal hue
kabhi guzar to sahi tu bhi is ḳharabe se
kabhi to dekh ki ham kitne pa.emal hue
hava-e-ku-e-tamanna pukarti hai jinhen
vo log ḳhvab hue gard-e-mah-o-sal hue
musafiron se kaho hadd-e-shahr ḳhatm hui
ye dasht-e-hijr hai chehre yahan ḳhayal hue
ye kaisi sub.h-e-tamanna hai ghar ke angan men
asir-e-zulmat-e-shab mere naunihal hue
koi to dekhe ye mahbubiyat ki manzil bhi
jamal-e-kaun-o-makan nazr-e-ḳhadd-o-ḳhal hue
Leave a Reply