Poet
yaad par ungliyan uThati huun
ḳhvab par tohmaten lagati huun
kya kaha dasht ka irada hai
to chalo saath main bhi aati huun
vo jo mujh se kabhi mila hi nahin
main use raat din satati huun
us ko rakkha hai fikr se azad
ḳhud pe pabandiyan lagati huun
na kahin ḳhvab jaan jaa.en mira
phuul se titliyan uḌati huun
dar ka dastak ke saath rishta hai
is liye roz khaTkhaTati huun
main tira ḳhvab dekhne ke liye
niind ki raushni banati huun
aankh ko ḳhushk kar liya main ne
ḳhvab sailab men bahati huun
Leave a Reply