Nasreen Naqqash
sahra dikha.i de na samundar dikha.i de
ab tak vahi bichhaḌne ka manzar dikha.i de
kya kya miri nazar ne diye hain mujhe fareb
manzar bhi ab mujhe pas-e-manzar dikha.i de
tha kya hasin shahar kabhi shahr-e-dil ki ab
dar hi dikha.i de na koi ghar dikha.i de
milte hain kaise log mohabbat ke naam par
kab un ki astinon men ḳhanjar dikha.i de
qurbat se us ki raaz hua ashkar ye
vo khokhla daraḳht tanavar dikha.i de
kya baat hai ki kucha-o-bazar men hamen
‘nasrin’ jo dikha.i de patthar dikha.i de
Leave a Reply