gae the vahan ji men kya thaan kar ke
chale aae iran turan kar ke
agar dil ka bil-farz gul naam pad jaae
to phir hai ye siina gulistan kar ke
diya ham ne dil un pari-chehragan ko
zaru-e-qayas aadmi jaan kar ke
ye duniya hamen khush na aaegi phir bhi
rahen khvah khud ko sulaiman kar ke
tire gham men jis se mizha tar karun huun
vo ik qatra hai qulzumistan kar ke
dikha hi diya akhirash ahl-e-dil ne
isi daane se khet khaliyan kar ke
ye kya chiiz tamir karne chale ho
bina-e-mohabbat ko viran kar ke
miyan ham to ‘javed’ ko le gae the
diya hi nahin us ne pahchan kar ke
Leave a Reply