Poet
vahi josh-e-haq-shanasi vahi azm-burd-bari
na badal saka zamana miri ḳhu-e-vaza-dari
vahi mai-kada hai lekin nahin ab vo kaif-bari
ga.e ham mazaq le ke mira lutf-e-bada-ḳhvari
ho zaban jis ke munh men vo na aa.e anjuman men
kahin rakh na de sitam-gar yahi shart-e-raz-dari
kabhi hanste hanste rona kabhi rote rote hansna
koi kya samajh sakega bhala maslahat hamari
main zamane bhar ke ta.ane na ḳhamosh ho ke sunta
jo junun-e-ishq hota mira fe.al-e-iḳhtiyari
mai-e-ashiqi se tauba hai junun-e-parsa.i
kahin le na Duube vaa.iz tujhe zo.am-e-hoshiyari
na pahunch saka jahan tak kabhi pa-e-kibr-o-danish
vahin ‘jurm’ le ga.i hai mujhe meri ḳhaksari
Leave a Reply