Poet
kaun kahta hai ki marna mira achchha na hua
fikr darman na hui ranj mudava na hua
vaah is naale pe aur itni adu ko nazish
bazm men aur to kya hashr bhi barpa na hua
sair-e-gulshan se rahe shaad va-lekin afsos
ab ke ma.alum kuchh ahval qafas ka na hua
so ga.e sunte hi sunte vo dil-e-zar ka haal
jab ko ham samjhe the afsun vahi afsana hua
rabt kuchh dagh-o-jigar ka to hai chaspan ‘ashiq’
varna is daur men koi bhi kisi ka na hua
Leave a Reply