ek patthar ko rasta na dikha
ghup andhere men aa.ina na dikha
dil rakha hai utaar de ḳhanjar
duur se ras bhari ghaTa na dikha
vo sada jo suna.i di hi nahin
us sada ke tu naqsh-e-pa na dikha
asman hi men suukh jaa.e ghaTa
aisi tasvir-e-bad-dua na dikha
main jahannum se bhi nibha lunga
ab ye chehra bhi phuul sa na dikha
sard mausam ki aag ko bhi samajh
sidhe munh baat kar ada na dikha
Leave a Reply